FIFA ҳал қилувчи босқич учун махсус тўпни тақдим этди

FIFA 2026 йилги Жаҳон чемпионатининг ярим финаллари, учинчи ўрин учун баҳс ҳамда финал учрашувида қўлланиладиган махсус “Trionda Final” тўпини расман тақдим этди.

Маълум қилинишича, чорак финалга йўл олган ҳар бир жамоага ўйиндан сўнг тайёргарлик жараёнлари учун 48 тадан машғулот тўпи топширилади. Бу жамоаларга ҳал қилувчи босқичларда айнан расмий ўйин тўпи билан машғулот ўтказиш имконини беради.

Ҳозирга келиб Жаҳон чемпионатининг чорак финалига Франция, Марокаш, Испания, Бельгия, Норвегия ва Англия терма жамоалари чиқди. Қолган икки иштирокчи эса Аргентина – Миср ҳамда Швейцария – Колумбия ўртасидаги 1/8 финал баҳслари якунларига кўра аниқланади.

Маълумот учун, Жаҳон чемпионати ярим финал баҳслари жорий йилнинг 14–15 июль кунлари АҚШнинг Атланта шаҳридаги “Атланта” аренасида бўлиб ўтади. Учинчи ўрин учун учрашув 18 июль куни Майамидаги “Майами”да ташкил этилади. Турнир финали эса жорий йилнинг 19 июль куни Нью-Йорк шаҳри яқинидаги “МетЛайф” стадионида ўтказилади.