Ферран ЧЛда илк турнинг энг яхши футболчиси бўлди
Спорт
−
09:49 400 1 дақиқа
ПСЖ ҳужумчиси Ферран Торрес 2026-2027 йилги Чемпионлар лигаси умумий босқичининг биринчи турида энг яхши футболчи деб топилди. Бу ҳақда UEFA матбуот хизмати хабар берди.
Жорий йилнинг 9 сентябрь куни мусобақанинг очилиш учрашувида ПСЖ ўз майдонида “Слован”ни 6:1 ҳисобида мағлуб этди. 26 ёшли Торрес парижликлар сафида Чемпионлар лигасидаги дебютидаёқ хет-трик қайд этди.
Ҳафтанинг энг яхши футболчиси соврини учун ўтказилган овоз беришда у “Барселона” ҳужумчиси Рафинья, “Штутгарт” ҳужумчиси Эрмедин Демирович ва “Бетис” ҳимоячиси Марк Бартрадан устун келди.
Маълумот учун, Торрес жорий йил август ойида “Барселона”дан ПСЖга ўтган ва Франция клуби билан беш йиллик шартнома имзолаган.
Live
Барчаси
