Эрон Исроилнинг F-35 самолётини уриб туширди

Эрон ҳаво ҳужумидан мудофаа тизимлари Теҳрон жануби-шарқида жойлашган Варамин шаҳри осмонида Исроил ҳарбий самолётини уриб туширди. Бу ҳақда шаҳар ҳокимияти вакили Ҳусайн Аббосийга таяниб, “Mehr” агентлиги хабар берди.

“Хавфсизлик хизмати ва ҳарбийлар ҳодиса тафсилотларини ўрганмоқда, қўшимча маълумотлар тез орада эълон қилинади”, деди Аббосий.

Кейинроқ у Исроил ҳарбий-ҳаво кучларининг F-35 самолёти шаҳар узра уриб туширилганига аниқлик киритди.

“Армия ҳаво ҳужумидан мудофаа тизимлари Варамин шаҳар туманининг Жавадобод туманида душман сионистик режимнинг F-35 қирувчи самолётини уриб туширди ва йўқ қилди”, дейди у.

Бу F-35 13 июнь куни Эрон-Исроил эскалацияси бошланганидан бери Исроил ҳарбий-ҳаво кучларининг қирувчининг уриб туширилган бешинчи  самолёти бўлди.

ILNA агентлиги маълумотларига кўра, Варамин осмонида Исроил дрони ҳам уриб туширилган.

13 июнга ўтар кечаси Исроил Эрон ядро дастурига қарши ҳарбий операция бошлади. Орадан бир кун ўтмасдан Эрон жавоб ҳужумини амалга оширди. Кейинги кунларда Исроил ва Эрон яна зарбалар беришди. Иккала томон ҳам ушбу ҳужумлар оқибатида қурбонлар ва жабрланганлар ҳақида маълум қилди ва бир қатор нишонларга зарба берганини тан олди.