Дунёнинг энг қиммат футболчиси ўзгарди
Спорт
−
23 Декабрь 2023 11721
Англия терма жамоаси ва Мадриднинг “Реал” клуби аъзоси Жуд Беллингем дунёнинг энг қиммат футболчисига айланди. Бу ҳақда “Transfermarkt” хабар берди.
Манбага кўра, инглиз футболчисининг қиймати 180 миллион еврогача ошган. Ҳозиргача норвегиялик ҳужумчи Эрлинг Холанд худди шунча қиймат билан энг қиммат футболчи бўлиб келаётганди. Шунингдек, франциялик Киллиан Мбаппе ҳам 180 миллион еврога баҳоланган, бироқ Жуднинг иккала футболчидан ҳам ёши кичикроқ бўлганлиги учун у жаҳоннинг энг қиммат футболчиси рейтингида 1-ўринга кўтарилиб олди.
Беллингем жорий мавсум “қаймоқранглилар” сафида 21 та ўйинда майдонга тушиб, 17 та гол урди ва 5 та голли узатмани амалга оширди. Унинг жорий клуби билан шартномаси 2029 йилда якунига етади.
Live
Барчаси
