Дунёда антисемитизм кучайиб боряпти – БМТ Бош котиби

Олам

−

07 Ноябрь 2023 visibility7412 timer1 дақиқа

Бирлашган Миллатлар Ташкилоти Бош котиби Антониу Гутерриш Яқин Шарқда можаро авж олган бир пайтда дунёда антисемитизм ва мусулмонларга қарши кайфият кучайиб бораётганидан хавотирда. Бу ҳақда у Х ижтимоий тармоғида ўз позициясини билдирди.

"Мен антисемитизм ва исломга қарши тоқатсизлик кучайиб бораётганидан чуқур хавотирдаман. Яқин Шарқдаги изтироблар кўнгилни ранжитади ва қалбни эзади. Аммо нафратли риторика ва провокацион ҳаракатларга чек қўйилиши керак", деган Гутерриш.

Шунингдек, Бирлашган Миллатлар Ташкилоти Бош котиби, можарога қарамай, "умумий инсониятни сақлаш" зарурлигини таъкидлаган.

Бундан ташқари, Гутерриш Фаластин-Исроил можаросининг кенгайиш хавфидан хавотирда эканини айтиб, унинг кучайишини тўхтатишга чақирган.

Мақола муаллифи