Дунё етакчилари Мирзиёевни Рамазон ҳайити билан табриклади

Рамазон ойи ва муборак Рамазон ҳайити муносабати билан Ўзбекистон Республикаси Президенти Шавкат Мирзиёев номига хорижий давлатлар ва ҳукуматлар, нуфузли халқаро ва минтақавий ташкилотлар раҳбарлари, таниқли дин ва жамоат арбобларидан қутловлар келмоқда. Бу ҳақда Президент матбуот хизмати хабар берди.

Билдирилишича, хорижий ҳамкорлар Ўзбекистон ва унинг кўп миллатли халқига тинчлик, фаровонлик ва равнақ тилаб, мамлакат билан дўстлик муносабатларини янада мустаҳкамлаш ва ўзаро манфаатли ҳамкорликни кенгайтиришга интилишини тасдиқламоқда.

Қуйидагилар ўз табрикларини йўллаган:

• Саудия Арабистони Подшоҳи Салмон бин Абдулазиз Ол Сауд;
• Саудия Арабистони Валиаҳди, Вазирлар Маҳкамаси Раиси Муҳаммад бин Салмон бин Абдулазиз Ол Сауд;
• Туркия Республикаси Президенти Ражаб Тойиб Эрдўған;
• Қозоғистон Республикаси Президенти Қосим-Жомарт Тўқаев;
• Қирғиз Республикаси Президенти Садир Жапаров;
• Тожикистон Республикаси Президенти Имомали Раҳмон;
• Туркманистон Президенти Сердар Бердимуҳамедов;
• Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов;
• Озарбайжон Республикаси Президенти Илҳом Алиев;
• Бирлашган Араб Амирликлари Президенти Шайх Муҳаммад бин Зоид Ол Наҳаён;
• Бирлашган Араб Амирликлари Вице-президенти, Бош вазири, Дубай амирлиги ҳокими Шайх Муҳаммад бин Рошид Ол Мактум;
• Бирлашган Араб Амирликлари Вице-президенти Шайх Мансур бин Зоид Ол Наҳаён;
• Бирлашган Араб Амирликлари Бош вазири ўринбосари Шайх Сайф бин Зоид Ол Наҳаён;
• Миср Араб Республикаси Президенти Абдулфаттоҳ ас-Сиси;
• Эрон Ислом Республикаси Президенти Масъуд Пезешкиён;
• Покистон Ислом Республикаси Бош вазири Шаҳбоз Шариф;
• Қатар Давлати Амири Шайх Тамим бин Ҳамад Ол Соний;
• Қатар Давлати Амирининг ўринбосари Шайх Абдуллоҳ бин Ҳамад Ол Соний;
• Кувайт Давлати Амири Шайх Мишъал ал-Аҳмад ал-Жобир ас-Сабоҳ;
• Кувайт Давлати Валиаҳди Шайх Сабоҳ Холид ал-Аҳмад ас-Сабоҳ;
• Иордания Ҳошимийлар Подшоҳлиги Подшоҳи Абдулла II;
• Уммон Султони Ҳайсам бин Ториқ Ол Саид;
• Баҳрайн Подшоҳи Шайх Ҳамад бин Исо Ал Халифа;
• Марокаш Қироли Муҳаммад VI;
• Жазоир Халқ Демократик Республикаси Президенти Абдулмажид Таббун;
• Тунис Республикаси Президенти Қайс Саид;
• Фаластин Давлати Президенти Маҳмуд Аббос;
• Ливия Давлати Президент кенгаши раҳбари Муҳаммад Юнус Ал-Манфи;
• Сомали Федератив Республикаси Президенти Ҳасан Шайх Муҳаммад;
• Исроил Давлати Президенти Ицхак Герцог;
• Ислом ҳамкорлик ташкилоти бош котиби Ҳусайн Иброҳим Тоҳа;
• Кўрфаз араб давлатлари ҳамкорлик кенгаши бош котиби Жасим Муҳаммад Ал-Будайвий;
• Туркий давлатлар ташкилоти бош котиби Кубаничбек Омуралиев;
• Туркий давлатлар ташкилоти Оқсоқоллар кенгаши раиси Бинали Йилдирим;
• Европада хавфсизлик ва ҳамкорлик ташкилоти бош котиби Фаридун Синирли ўғли;
• Ислом тараққиёт банки раиси Муҳаммад Сулаймон Ал-Жасир;
• "Ал-Азҳар" мажмуаси шайхи Аҳмад Таййиб;
• Кавказ мусулмонлари идораси раиси Шайхулислом Оллоҳшукур Пошшозода.

Маълумот учун, эртага, 30 март куни Рамазон ҳайити байрами сифатида кенг нишонланади. Рамазон ҳайити муносабати билан 6 кунлик иш ҳафтасида ишлайдиган ўзбекистонликлар 2 кун, 5 кунлик иш ҳафтасида ишловчилар 3 кун дам олади.

Эслатиб ўтамиз, олдинроқ Президент Шавкат Мирзиёев Ўзбекистон халқини Рамазон ҳайити билан табриклаганди.