Хориждаги иш стажи Ўзбекистонда пенсия тайинлашда ҳисобга олиниши керак – Президент (видео)

Жамият

−

13:37 visibility449 timer1 дақиқа

Хорижда қонуний меҳнат қилаётган фуқаролар солиқ билан бирга пенсия бадалларини ҳам тўлаяпти, аммо уларнинг иш стажини Ўзбекистонга қайтгач ҳисобга олиш масаласи тўлиқ ҳал этилмаган. Бу ҳақда бугун, 2 ноябрь куни Президент Шавкат Мирзиёев меҳнат миграцияси масалаларига бағишланган йиғилишда сўз очди.

Қайд этилишича, бу йил Қирғизистон, Озарбайжон ва Туркия билан иш стажи ва пенсия ҳуқуқини ўзаро тан олиш бўйича битимлар имзоланган. Энди Германия, Россия, Япония, Корея, Болтиқбўйи ва Болқон давлатлари билан ҳам шундай келишувларга эришиш вазифаси қўйилган.

“Уларнинг хориждаги иш стажи ватанга қайтгандан кейин ҳисобга ўтиши, айниқса, пенсия тайинлашда, албатта, инобатга олиниши зарур”, дейди Шавкат Мирзиёев.

Мутасаддиларга ушбу давлатлар билан музокараларни жадаллаштириб, йил якунига қадар аниқ натижага эришиш топширилган.

Мақола муаллифи