Даниил Ейбог Олимпиададаги иштирокини якунлади
Спорт
−
08:11 1160 1 дақиқа
Бугун, 19 февраль куни ўзбекистонлик шорт-трекчи Даниил Ейбогнинг Милан–Кортина-2026 қишки Олимпия ўйинларидаги иштироки якунига етди.
Даниил Ейбог 500 метр масофага кечган чорак финал баҳсида бешинчи бўлиб маррага келди. Ушбу натижа Ейбогга ярим финалга чиқиш учун камлик қилди ва у шу нуқтада иштирокини тугатди.
Шунингдек, жорий йилнинг 16 февраль куни ўзбекистонлик спортчи Медет Назаров Милан-Кортина–2026 қишки Олимпия ўйинларидаги иштирокини якунлаганди.
Назаров дастлабки чиқишда 1:07,51 қайд этган ва бу орқали Медет маррага етиб келганида 33-поғонага жойлашганди. Иккинчи стартда Назаров айрим сабабларга кўра, иштирок этмаган ва умумий рейтингдан жой ололмаганди.
Live
Барчаси
