Дам олиш кунлари ўзбекистонликларни қандай об-ҳаво кутяпти

Жамият

image

Дам олиш кунлари Ўзбекистонда ҳаво ҳарорати яна кўтарила бошлайди. Якшанба кунига келиб, ҳарорат 38-41 даражагача етади. Бу ҳақда Гидрометеорология хизмати маркази маълум қилди.

Қайд этилишича, шанба ва якшанба кунлари жанубий ҳудудларнинг энг чекка қисмида 43-45 даражагача бўлган  ҳарорат билан жуда иссиқ об-ҳаво сақланиб туради.

Бироқ, бу иссиқ узоқ вақт давом этмайди. Кейинги ҳафтанинг бошидан эса республика ҳудудига Волга бўйи ҳудудларидан салқин ҳаво кириб келади. Душанба кунидан ҳарорат аста-секин пасайишни бошлайди ва ҳафтанинг аксарият қисмида 30-35 даража атрофида, баъзи жойларда 37-38 даражагача бўлади.

Республика ҳудудининг катта қисмида дам олиш кунлари асосан кам булутли об-ҳаво кузатилади, фақат Қорақалпоғистонда 3 июлда қисқа муддатли ёмғир ёғиши, момақалдироқ бўлиши мумкин.

Республика бўйича баъзи жойларда шамол 15-20 м/с гача кучайиши, баъзи жойларда чанг-тўзонлари кузатилиши мумкин. 3 июлда шимолда ва чўл ҳудудларда шамол 23-28 м/с гача кучайиши эҳтимоли бор.

1-3 июлда Фарғона вилоятининг тоғ олди ва тоғли ҳудудларида гляциал (муз) сел-сув тоқин ҳодисалари юзага келиши мумкин.


Мақола муаллифи

Теглар

об-ҳаво дам олиш кунлари

Баҳолаганлар

379

Рейтинг

3

Мақолага баҳо беринг

Дўстларингиз билан улашинг