Dam olish kunlari o‘zbekistonliklarni qanday ob-havo kutyapti

Jamiyat

image

Dam olish kunlari O‘zbekistonda havo harorati yana ko‘tarila boshlaydi. Yakshanba kuniga kelib, harorat 38-41 darajagacha yetadi. Bu haqda Gidrometeorologiya xizmati markazi ma’lum qildi.

Qayd etilishicha, shanba va yakshanba kunlari janubiy hududlarning eng chekka qismida 43-45 darajagacha bo‘lgan  harorat bilan juda issiq ob-havo saqlanib turadi.

Biroq, bu issiq uzoq vaqt davom etmaydi. Keyingi haftaning boshidan esa respublika hududiga Volga bo‘yi hududlaridan salqin havo kirib keladi. Dushanba kunidan harorat asta-sekin pasayishni boshlaydi va haftaning aksariyat qismida 30-35 daraja atrofida, ba’zi joylarda 37-38 darajagacha bo‘ladi.

Respublika hududining katta qismida dam olish kunlari asosan kam bulutli ob-havo kuzatiladi, faqat Qoraqalpog‘istonda 3 iyulda qisqa muddatli yomg‘ir yog‘ishi, momaqaldiroq bo‘lishi mumkin.

Respublika bo‘yicha ba’zi joylarda shamol 15-20 m/s gacha kuchayishi, ba’zi joylarda chang-to‘zonlari kuzatilishi mumkin. 3 iyulda shimolda va cho‘l hududlarda shamol 23-28 m/s gacha kuchayishi ehtimoli bor.

1-3 iyulda Farg‘ona viloyatining tog‘ oldi va tog‘li hududlarida glyatsial (muz) sel-suv toqin hodisalari yuzaga kelishi mumkin.


Maqola muallifi

Teglar

ob-havo dam olish kunlari

Baholaganlar

379

Reyting

3

Maqolaga baho bering

Doʻstlaringiz bilan ulashing