Чилонзордаги омборхонада катта ёнғин чиқди (видео)
3-саҳифа
−
24 Январь 2022 5724
Бугун, 24 январь куни соат 09:58 да Тошкент шаҳар Чилонзор тумани Бунёд кўчасида жойлашаган омборхонада ёнғин содир бўлди. Бу ҳақда ФВВ хабар берди.
Ёнғин жойига 12 та ёнғин-қутқарув экипажи соат 10:04 да етиб бориб, ёнғин соат 10:57 да қуршаб олинди ва соат 12:58 да бартараф этилган.
Ёнғин натижасида омборхонанинг тахминан 600 кв.м. майдонида томи, шифти ва ички қисмида сақланаётган маҳсулотлари ёниб зарарланган.
Ҳодиса оқибатида жабрланган ва ҳалок бўлганлар ҳақида маълумот келиб тушмаган.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
