Бугун “Насаф” ўз уйида Қувайт клубини қабул қилади
Спорт
−
11:46 543 1 дақиқа
Бугун, 28 октябрь куни Осиё Чемпионлар лигаси 2 мусобақасининг 3-туридан ўрин олган учрашувда Қаршининг “Насаф” жамоаси ўз майдонида Қувайтнинг “Қувайт СК” клубини қабул қилади.
Учрашув Қарши шаҳридаги “Марказий” стадионида соат 18:45 да бошланади.
Мусобақанинг дастлабки икки туридан кейин “Қувайт СК” 3 очко билан турнир жадвалининг иккинчи поғонасидан жой олган. “Насаф” эса бир очко билан учинчи ўринда бормоқда.
Жамоалар шу кунга қадар ўзаро тўрт марта тўқнаш келган. Ушбу баҳсларнинг бирида “Насаф” ғалаба қозонган бўлса, яна бир учрашувда қувайтликлар устун келган. Қолган икки беллашувда ғолиб аниқланмаган.
“Насаф”нинг “Қувайт СК” устидан қозонган ғалабаси 2011 йилда қайд этилган. Ўшанда Қарши клуби ОФК кубоги финалида қувайтликларни мағлуб этиб, ўз тарихида илк бор ушбу мусобақа чемпионига айланган эди.
Live
Барчаси27 Октябрь
