Бош прокуратурада карантинда назоратни кучайтириш учун штаб тузилди
Жамият
−
18 Март 2020 8191
Ўзбекистонда санитарияга оид қонун ҳужжатлари ва эпидемияга қарши курашиш қоидалари бузилишининг олдини олиш мақсадида жорий йилнинг 16 март куни Бош прокуратурада Бош прокурор ўринбосари раҳбарлигида Штаб, вилоят ва унга тенглаштирилган прокуратураларда вилоят прокурорлари раҳбарлигида ҳудудий штаблар, туман - шаҳар прокуратураларида туман прокурорлари раҳбарлигида ҳудудий ишчи гуруҳлар тузилди.
Штаблар ва ишчи гуруҳлар фаолиятига соғлиқни сақлаш, санитария - эпидемиологик осойишталик, санитария - эпидемиология назорати, солиқ, ички ишлар органлари вакиллари жалб этилди.
Штаблар ва ҳудудий ишчи гуруҳларга санитарияга оид қонун ҳужжатлари ва эпидемияга қарши курашиш қоидаларига риоя этилиши устидан назоратни кучайтириш, аҳоли орасида асоссиз ваҳима ва хавотирлар келиб чиқишига йўл қўймаслик ҳамда озиқ-овқат, дори-дармон маҳсулотлари ва тиббий буюмлар нарх - навоси барқарорлигини таъминлаш, қонун бузилишига йўл қўйган шахсларни тегишли жавобгарликка тортиш бўйича вазифалар юклатилиб, ижроси ташкил этилди.
Эслатиб ўтамиз, айни вақтда Ўзбекистонда ушбу вирус билан оғриганлар 13 кишини ташкил этмоқда. Мамлакатда 2100 киши карантинга олинган.
Ҳурматли фуқаролар, коронавирус билан боғлиқ вазият сабаб ваҳима кўтаришга асос йўқ. Вирусни юқтириб олмаслик учун санитария-гигиена қоидаларига риоя қилинг.
Live
Барчаси