Биволдан мутлақ чемпион номи тортиб олинди

Бокс бўйича яримоғир вазн тоифасида WBA, WBC, WBO, IBF, “The Ring” ва IBO йўналишлари чемпион. россиялик Дмитрий Бивол WBC камарига даъвогарб мексикалик Дэвид Бенавидес билан жангдан бош тортгани учун камар вакант қолдирилди. Бу ҳақда Ҳалқаро бокс кенгаши (WBC) хабар берди.

Манбага кўра, Биволнинг бундай қарорга келиши унинг ҳамюрти Артур Бетербиевга қарши учинчи жангни ўтказиши билан боғлиқ. Бивол 23 февраль куни Ар-Риёд шаҳрида ўтган реванш жангида Бетербиевни очколар ҳисобига кўра мағлуб этиб, яримоғир вазнда мутлақ жаҳон чемпионига айланганди. Промоутер Турки ал-аш-Шайх кузда бу икки боксчининг учинчи жангини ўтказмоқчи.  

Шу тариқа, Биволдан ярим оғир вазн тоифасида мутлақ жаҳон чемпиони, деган ном тортиб олинди.

Қайд этиш жоиз, эндиликда бокс оламида биргина мутлақ жаҳон чемпиони қолди, бу ҳам бўлса япониялик енгилмас боксчи Наоя Иноуэ ҳисобланади. WBC Interim камари соҳиби ўзбекистонлик боксчи Муроджон Аҳмадалиев шу йилнинг сентябрь ойида Иноуэ билан жанг қилиш борасида келишиб олган эди.