Бивол-Бетербиев жанги ғолиби ким билан тўқнаш келади?
Спорт
−
15:17636
Ярим оғир вазн тоифасида жаҳон чемпиони унвонига даъвогарлик жанги ўтказилади. Бу ҳақда Бутунжаҳон бокс кенгаши (WBC) матбуот хизмати хабар берди.
1 февраль куни америкалик Дэвид Бенавидес (29-0) ва кубалик Давид Моррель (11-0) WBC йўналиши бўйича мажбурий даъвогар унвони учун жанг ўтказади.
Ушбу жанг ғолиби 22 февраль куни Саудия Арабистонида бўлиб ўтадиган икки россиялик боксчи – Артур Бетербиев ва Дмитрий Бивол ўртасидаги чемпионлик реванш жанги ғолибига қарши жанг қилади.
Қайд этиш жоиз, октябрь ойида Бетербиев ярим оғир вазн тоифасида мутлақ жаҳон чемпиони бўлиш учун Биволни мағлуб этди.
Эслатиб ўтамиз, Бивол-Бетербиев жанг қиладиган оқшомда ўзбекистонлик профессионал боксчи, собиқ WBA камари соҳиби Исроил Мадримов ҳам рингга кўтарилади.
Live
Барчаси
