“Биринчи қўнғироқ” чалинди. Бу йил қанча бола 1-синфда ўқишни бошлади?

Жамият

image

Бугун, 5 сентябрь куни Халқ таълими вазирлиги тизимидаги 10 085 та мактабда 2022-2023 ўқув йили дарслари бошланди. Янги ўқув йилида 702 000 нафар бола умумтаълим мактабларининг 1-синфига қабул қилинди. 

Уларга 12 турдаги ўқув қуроллари, мактаб сумкаси, дарсликлар мажмуасидан иборат Президент совғалари топширилди. 

Мактабларда таҳсил олаётган 6 469 737 нафар ўқувчи иштирокида ташкил этилаётган “Биринчи қўнғироқ” тадбирларида маҳаллий ҳокимликлар ҳамда кенг жамоатчилик вакиллари, маҳалла фаоллари, ўқувчилар ва уларнинг ота-оналари иштирок этди.

Шунингдек, айни вақтда республикадаги барча умумтаълим мактабларида 2022-2023 ўқув йилининг биринчи дарс соати — “Мустақил дарслари” бошланди. Ушбу дарсларда истиқлол йилларида эришилган ютуқлар, ёшларимиз томонидан қўлга киритилган катта ғалабалар ҳамда миллий тарихнинг ёрқин лавҳалари ҳақида ўқувчиларга сўзлаб берилди.


Мақола муаллифи

Теглар

мактаб

Баҳолаганлар

119

Рейтинг

3.1

Мақолага баҳо беринг

Дўстларингиз билан улашинг