Беллингем Роналдунинг рекордини янгилай олмади
Спорт
−
18 Сентябрь 2023 2510
Кеча, 17 сентябрь куни “Реал Мадрид” ва “Реал Сосьедад” ўртасидаги Испания чемпионатининг 5-тур учрашуви бўлиб ўтди. Мадридликлар рақибларини 2:1 ҳисобида мағлуб этди.
“Қироллик клуби” ярим ҳимоячиси Жуд Беллингем Мадрид клубидаги дастлабки ўйинларида гол уриш бўйича португалиялик ҳужумчи Криштиану Роналдунинг натижасини янгилай олмади. Шу кунгача инглиз футболчиси “Реал Мадрид”нинг Испания чемпионатидаги 4 та ўйинида ҳам гол урганди. 2009 йилда Роналду ва 1960 йилда Пепилло “Реал”даги дастлабки 4 та ўйинида гол урган.
“Реал Сосьедад” билан ўйинда мадридликлар сафида ҳужумчи Хоселу ва ярим ҳимоячи Федерико Вальверде гол урди.
Беш турдан сўнг “қаймоқранглилар” 15 очко тўплаб, Испания Ла Лигаси турнир жадвалида 1-ўринда бормоқда.
Live
Барчаси
