Беларусда президентликка номзод таҳдид сабаб пойгадан чиқиши мумкин

Беларусда президентлик сайлови атрофида турли гап-сўзлар ортиб боряпти. Мухолиф блогер Сергей Тихановскийнинг турмуш ўртоғи Светлана бугун, 16 июнь куни Беларусь президентлигига номзод сифатида рўйхатдан ўтиш учун ариза топширишдан воз кечишга тайёрлигини билдирди. У ўзи ва болаларига таҳдид бўлгани сабабли шундай қарорга келганини маълум қилди.

Тихановская президентликка номзод бўлиш учун минимал 100 минг овозни йиғиш учун Гомелга келганида унга аноним қўнғироқ бўлган.

“Хабар сафаримни давом эттирмаслигим кераклиги, акс ҳолда ўзим ва болаларимга зарар етиши мумкинлиги мазмунидаги таҳдид эди”, дея айтиб берди Светлана Тихановская.

У олдида икки йўл борлигини ва унинг танлови қандайлиги аниқ эканини айтиб, тарафдорларидан уни тушунишларини сўради.

Эслатиб ўтамиз, бундан аввал президентлик пойгасига киришган яна бир номзод Виктор Бабарико коррупцияда айбланганди. Унга бу айбловни олтинчи марта номзодини илгари сурайтган амалдаги Президент Александр лукашенко қўйганди.

Маълумот учун, Беларусда президентлик сайлови жорий йилнинг 9 август кунига белгиланган.