Байденнинг 2024 йилги сайловда қатнашиши бўйича маълумот берилди
Олам
−
17 Декабрь 2021 3793
АҚШ Президенти Жо Байден 2024 йилги президентлик сайловида иштирок этишни режалаштирмоқда ва буни амалдаги вице-президент Камола Харрис билан жуфтликда амалга оширмоқчи. Бу ҳақда Оқ уй Матбуот котиби ўринбосари Карин Жан-Пьер маълум қилган.
“Вице-президент ва Президент ўртасида қандай суҳбатлар бўлгани ҳақида гапира олмайман, фақат Президентнинг ўзи айтганларини айтишим мумкин: у 2024 йилда бўлиб ўтадиган президентлик сайловида иштирок этишни режалаштирмоқда. Бошқа қўшимча гапим йўқ”, деган Жан-Пьер.
Ундан Байден Харрис билан биргаликда ушбу сайловда иштирок этишни режалаштираётгани ёки ундай эмаслигини аниқлаш сўралган.
“Ҳа, у режалаштирмоқда. Ҳеч нарса ўзгармади”, деган Оқ уй Матбуот котиби ўринбосари.
Эслатиб ўтамиз, аввал ҳам Жо Байден 2024 йилда президентликка иккинчи бор ўз номзодини қўйиш ниятида экани ҳақида хабар тарқатилганди.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
