“Барселона” беш футболчисини сотиши мумкин

Испаниянинг “Барселона” жамоаси трансфер ойнаси ёпилгунга қадар беш нафар футболчиси билан хайрлашиши мумкин. Бу ҳақда журналист Хосе Альварес маълум қилди.

Журналистнинг хабар беришича, Френки де Йонг, Марк Касадо, Эктор Форт, Алехандро Бальде ва Жюль Кунде клубни тарк этиши мумкин бўлган футболчилар рўйхатида турибди. Уларнинг барчасига бошқа клублардан қизиқиш бор.

Хусусан, яқинда “Манчестер Сити” Френки де Йонгга қизиқиш билдирган. Марк Касадо Саудия Арабистони клубларидан бирига ўтиши мумкин.

Эктор Фортга “Реал Сосьедад” ва “Боруссия Дортмунд” қизиқиш билдирмоқда. Алехандро Бальде “Манчестер Юнайтед”нинг қизиқиш доирасида бўлса, Жюль Кунде ҳам Премьер-лига вакилларининг радаридан жой олган. Шу сабабли трасфер ойнаси якунлангунга қадар бу футболчилар жамоани тарк этиши мумкин.

Эслатиб ўтамиз, жорий йилнинг 22 август куни “Барселона” Ла Лига янги мавсумининг илк баҳсида “Эльче” устидан 5:0 ҳисобидаги йирик ғалаба қозонган эди.