“Барселона” аъзоси фаолиятини “Ал-Наср”да давом эттириши мумкин
Спорт
−
03 Август 2023
2840Франциялик футболчи Клеман Лангле ёзда Криштиану Роналдунинг жамоадоши бўлиши мумкин. Бу ҳақда “Mundo Deportivo” хабар берди.
Манбага кўра, “Барселона” “Ал-Наср” билан ҳимоячининг трансфери шартлари бўйича деярли келишувга эришган. Трансфер миқдори кичик бўлиши кутилмоқда, лекин ҳалигача Лангленинг ўзи розилик билдирмаган.
Қайд этилишича, Клеман Европада қолишни режалаштирмоқда, аммо “Ал-Наср”дан фойдали таклиф тушса, унинг режалари ўзгариши мумкин.
Ҳимоячи ўтган мавсумни ижара асосида “Тоттенхем”да ўтказди. У АПЛда умумий 26 та ўйинда майдонга тушиб, 2 та голли узатмани амалга оширди. “Transfermarkt” футболчининг нархини 10 миллион еврога баҳоламоқда.