БААнинг шимолида осмонўпар бино ёниб кетди (видео)
Олам
−
27 Июнь 2023 8278
Бугун, 27 июнь куни кечки пайт Бирлашган Араб Амирликларининг Ажман шаҳридаги кўп қаватли бинолардан бирида ёнғин содир бўлди. Бу ҳақда “Al Marsad” янгиликлар портали хабар берди.
Келтирилишича, ёнғин БАА маҳаллий вақти билан соат 01:30 атрофида Ал-Ажман кварталида жойлашган “Ajman One Tower” турар-жой мажмуасида содир бўлган. Ёнғин тезда пастки даражадан тарқалиб, бинонинг қопламасини қисман йўқ қилган. Ҳозирча ёнғин сабаблари ҳақида маълумот берилмаган. Ҳалок бўлганлар ва жабрланганлар ҳақида ҳам маълумот мавжуд эмас. Ёнғин пайтида бинодан эвакуация қилинган аҳоли шаҳарнинг бир нечта меҳмонхоналарига жойлаштирилган.
Маълумотларга кўра, охирги марта ушбу бинода ёнғин 2016 йилда содир бўлган. У жами 3 минг хонадондан иборат 36 қаватли 12 бинодан иборат мажмуа ҳисобланади.
