BAAning shimolida osmono‘par bino yonib ketdi (video)
Olam
−
27 iyun 2023 8276
Bugun, 27 iyun kuni kechki payt Birlashgan Arab Amirliklarining Ajman shahridagi ko‘p qavatli binolardan birida yong‘in sodir bo‘ldi. Bu haqda “Al Marsad” yangiliklar portali xabar berdi.
Keltirilishicha, yong‘in BAA mahalliy vaqti bilan soat 01:30 atrofida Al-Ajman kvartalida joylashgan “Ajman One Tower” turar-joy majmuasida sodir bo‘lgan. Yong‘in tezda pastki darajadan tarqalib, binoning qoplamasini qisman yo‘q qilgan. Hozircha yong‘in sabablari haqida ma’lumot berilmagan. Halok bo‘lganlar va jabrlanganlar haqida ham ma’lumot mavjud emas. Yong‘in paytida binodan evakuatsiya qilingan aholi shaharning bir nechta mehmonxonalariga joylashtirilgan.
Ma’lumotlarga ko‘ra, oxirgi marta ushbu binoda yong‘in 2016 yilda sodir bo‘lgan. U jami 3 ming xonadondan iborat 36 qavatli 12 binodan iborat majmua hisoblanadi.
