Азар ва Анчелотти ўртасидан “оламушук ўтди”
Спорт
−
15 Февраль 2023 3007
Мадриднинг “Реал” клуби аъзоси Эден Азар ва жамоа бош мураббийи Карло Анчелотти ўртасидаги алоқалар ёмонлашди. Бу ҳақда “The Athletic” нашри хабар берди.
Эден “Реал Мадрид” устози футболчига берган ваъдаларини бажармагани учун тушкун ҳолатда. Азар Анчелотти томонидан эътиборсиз қолаётганини ҳис қилган ва у ҳозирда клубда умуман ўйин амалиётига эга бўлаётгани йўқ.
Декабрь ойи охирида Анчелотти Азар мавсумнинг иккинчи қисмида тез-тез майдонга тушадиган футболчилардан бири бўлишини айтганди. Ўшандан бери бельгиялик футболчи икки марта кичик жароҳат олди ва Испания кубоги доирасида 3-дивизион вакили “Касерено”га қарши ўйинда атиги 68 дақиқа ўйнади. 2023 йилги қолган ўйинларда Азар майдонга тушмади. У охирги марта 11 сентябр куни Ла Лигада баҳсида майдонга тушганди.
“Реал Мадрид” мураббийлар штаби эса Азар билан боғлиқ ҳолатни эътиборсиз қолдирмоқда.
Ҳозирги вақтда “Transfermarkt” портали бельгиялик футболчининг трансфер нархини салкам 8 миллион еврога баҳоламоқда.
