Айтилган гап – отилган ўқ. Байден Путин ҳақида гапирганларидан қайтмоқчи эмас
Олам
−
29 Март 2022
12324АҚШ Президенти Жо Байден Россия раҳбари Владимир Путинни ҳокимиятда қолмаслиги ҳақидаги сўзларини қайтариб олмаганини, бу баёнотлар фақат унинг шахсий фикри ва Вашингтон сиёсатидаги ўзгариш эмаслигини таъкидлади. Бу ҳақда “Интерфакс” нашри хабар берди.
"Мен рад этмайман. Путин муаммоларни қандай ҳал қилаётгани ва бу шахснинг хатти-ҳаракатларидан ғазабланаётганимни билдирдим. Аммо аниқ айтмоқчиманки, ўша пайтда ҳам, ҳозир ҳам сиёсий позициямни ўзгартирмаяпман. Мен ғазабимни билдирдим ва буни сиёсатга алоқаси йўқ. Бу менинг шахсий ҳис-туйғуларим", дейди Байден журналистнинг “Россия раҳбари ҳақида айтганларингиздан афсусланасизми?”, деган саволига жавобан.
Аввалроқ, Оқ уй раҳбари Польша-Украина чегарасига ташрифи чоғида Россия ҳеч қачон Украина устидан ғалаба қилолмаслиги ва Владимир Путин ҳукуматда қололмаслигини айтганди.
Шундан сўнг, АҚШ маъмурияти Америка Президенти Жо Байденнинг Варшавадаги сўзларини тушунтириб, у Россияда ҳокимиятни ағдариш ниятида эмаслиги ҳақидаги баёнот билан чиққан.
Бундан ташқари, Байден Путинни “қассоб”, шунингдек иккинчи бор “ҳарбий жиноятчи” деб атаганди.
Байден “ҳарбий жиноятчи” таърифини Россия етакчисига нисбатан биринчи бор 16 март куни ишлатганди. У Оқ уйда журналистлар билан суҳбатда шундай баёнот берган. “Fox News” мухбири Америка етакчисидан Путинни ҳарбий жиноятчи дейишга тайёрмисиз, деб сўраганида, Байден аввалига салбий жавоб берган ва хонани тарк этган. Бироқ, у кейин қайтиб келиб, “У ҳарбий жиноятчи”, деб жавобини ўзгартирган. Эртаси куни у Путинни “қотил диктатор” ва “бандит” деб атаган.
РФ Президенти Матбуот котиби Дмитрий Песков Байден Путинга нисбатан ҳақоратга ўтаётганини таъкидлаб, Кремль бунга муносабат билдирмаслигини қўшимча қилган. Ҳар қандай муносабат Байден томонидан билдирилаётган янада даҳшатли айблов билан қаршилашиши қайд этилган.
Шунингдек, Песковнинг сўзларига кўра, Путин доно сиёсатчи бўлгани учун АҚШ Президенти Жо Байденнинг ўзи ҳақидаги номақбул баёнотларига жавоб қайтармаяпти.
Россия Ташқи ишлар вазирлиги Байденнинг Путинга қарши айбловлари АҚШ-Россия муносабатларини жар ёқасига келтириб қўйгани ҳақида огоҳлантирди. Ташқи ишлар вазирлиги бундай баёнотлар қабул қилиниши мумкин эмаслигини таъкидлади.
LiveБарчаси
Бухорода Ғиждувон деҳқон бозори ёнмоқда.
14 Декабрь