Аш-Шара Европага боради
Олам
−
06 Май 5030 1 дақиқа
Суриянинг ўтиш даври президенти Аҳмад аш-Шара эртага, 7 май куни Францияга расмий ташриф буюради. Бу ҳақда Сурия телевидиниеси хабар берди.
Маълум қилинишича, ушбу қадам Аҳмад аш-Шаранинг Европага биринчи ташрифи бўлади.
Билдирилишича, Парижда у Франция Президенти Эммануэль Макрон билан музокаралар ўтказади.
Манбага кўра, Макрон Франция янги, эркин, барқарор, суверен Сурияни қуришни қўллаб-қувватлашини бир неча бор тасдиқлаб келган.
Учрашув ва ташрифнинг бошқа маълумотлари ҳали тақдим этилмаган.
Эслатиб ўтамиз, жорий йилнинг февраль ойи бошида Франция етакчиси Аҳмад аш-Шара билан телефон орқали мулоқот қилганида Сурия раҳбарини Францияга таклиф қилган эди. Суҳбатда Макрон аш-Шарани президентлик лавозимига киришгани билан табриклаб, Суриянинг ўтиш даврида тўлиқ қўллаб-қувватлашини билдирган.
Live
Барчаси
