Арипов Қирғизистонга борди (фото)

−

15 August 2023 visibility10353 timer1 minute

Бугун, 15 август куни Ўзбекистон Бош вазири Абдулла Арипов амалий ташриф билан Қирғизистонга борди. Бу ҳақда Қирғизистон Республикаси Вазирлар Маҳкамаси хабар берди.

Иссиқкўл халқаро аэропортида Ўзбекистон Бош вазирини Вазирлар Маҳкамаси Раисининг ўринбосари Бакит Тўробоев кутиб олган.

Абдулла Арипов эртага, 16 август куни Чўлпон-Ота шаҳрида бўлиб ўтадиган Қирғизистон ва Ўзбекистон ўртасидаги икки томонлама ҳамкорлик бўйича қўшма ҳукуматлараро комиссиянинг 10-йиғилишида иштирок этиш учун мамлакатга ташриф буюрган.