Аргентинада йиртқич динозаврларнинг янги тури аниқланди
Олам
−
03 Апрель 2021 7366
Олимлар Аргентинада йиртқич динозаврларнинг янги турини топишди. Унга Llukalkan aliocranianus номи берилган. Бу ҳақда “Интерфакс” хабар берди.
Янги тур Жанубий ярим шарда яшаган абелизавридлар оиласи вакили ҳисобланган. У Шимолий ярим шарда яшаган тираннозаврнинг ўзига хос “эгизаги” бўлган.
Бу тур тахминан 80 миллион йил олдин яшаган ва катталиги (узунасига 5 метр), ўткир тишлари, улкан тирноқлари ва ривожланган ҳид билиш имконияти билан ҳозирги Патагониянинг энг асосий йиртқичи бўлган.
Қазилма Аргентинанинг Ла-Инвернада шаҳридаги машҳур қазилма жойи яқинидаги Багжио-де-ла-Карпа деган жойидан топилган.
Янги тур мансуб бўлган абелизавридлар Африка, Ҳиндистон, Антарктида, Австралия ва Жанубий Америкага бўлиниб кетган Гондвана субконтинентида яшаган, ўртача узунлиги 5-9 метр бўлган тропод динозаврларига мансуб бўлган. Бу оиланинг 10 та машҳур вакили аниқланган.
Live
Барчаси
