Анталиядан учган самолётда йўловчилар муштлашиб кетди (видео)

Кеча, 13 февраль куни Jet 2 авиакомпаниясининг Анталия–Манчестер йўналишида учган самолёти йўловчиларнинг муштлашуви сабабли, Брюссель аэропортига фавқулодда қўнишга мажбур бўлди. Бу ҳақда DHA хабар берди.  

Маълум қилинишича, Туркиянинг Анталия шаҳридан ҳавога кўтарилган самолётда ирқчиликка оид гаплар сабабли йўловчилар ўртасида тортишув келиб чиққан. Тортишув қисқа фурсатда муштлашувга айланган. Кабина экипажи аралашувига қарамай, жанжал давом этгани учун учувчи самолётни Брюссель аэропортига фавқулодда қўндиришга мажбур бўлган. Полиция томонидан икки йўловчи самолётдан туширилиб, олиб кетилгач, рейс Манчестерга парвозини давом эттирган.

Авиакомпания муштлашган йўловчиларни умрбод ўз парвозларидан четлатишини, шунингдек фавқулодда қўниш билан боғлиқ барча харажатлар ҳам улардан ундирилишини маълум қилган. 

Эслатиб ўтамиз, аввалроқ Британияда учувчи парвоз вақтида ҳушини йўқотгани ҳақида хабар берилган.