Андижондаги ёғоч омборида катта ёнғин бўлди (видео)
3-саҳифа
−
22 июн 2291 1 дақиқа
Кеча, 21-июнь куни Андижон вилоятининг Андижон туманида жойлашган ёғоч омборида катта ёнғин содир бўлди. Бу ҳақда вилоят Фавқулодда вазиятлар бошқармаси хабар берди.
Маълум қилинишича, соат 20:10 да туманнинг “Мард” МФЙда жойлашган ёғоч омборида ёнғин содир бўлганлиги тўғрисида ФВБга хабар келиб тушган.
Хабарга асосан ёнғин қутқарув бўлинмалари воқеа жойига етиб борган. Ёнғин соат 21:55 да ўчирилган.
Билдирилишича, ёнғин оқибатида тан жароҳати олганлар йўқ.
Эслатиб ўтамиз, аввалроқ Фарғона вилоятининг Марғилон шаҳрида жойлашган пойабзал ишлаб чиқариш цехида ёнғин содир бўлганди. Ёнғин оқибатида хонадоннинг 120 квадрат метр, унга туташ пойабзал ишлаб чиқариш цехининг 120 квадрат метр ҳамда чинни буюмлар сақланадиган омборхонанинг 60 квадрат метр майдонидаги том қисми, ички жиҳозлар ва маҳсулотлар ёниб зарарланган.
