Андижонда трансформатор ичига кирган қизчани ток урди (видео)

Ижтимоий тармоқларда Андижон вилоятида трансформатор ичига кирган 4 ёшли қизчани ток ургани ҳақида хабарлар тарқалди. Ҳолат юзасидан “Ҳудудий электр тармоқлари“ АЖ Андижон ҳудудий филиали муносабат билдирди.

Маълум қилинишича, жорий йилнинг 13 июль куни Андижон туманидаги Янги Андижон шаҳарчасида жойлашган кўп қаватли уйларнинг ертўласида жойлашган 35/04 кВ кучланишли қуввати 1000 кВА бўлган 161-сонли трансформатор пунктида қисқа туташув содир бўлган.

Айнан шу вақтда ёш қизчанинг мушуги тўсатдан пастга тушиб, эшик тирқишидан ертўлага кирган. Мушук ишлаб турган катта кучланиш остида бўлган трансформатор пунктига кириб қолиши оқибатида қисқа туташув содир бўлган. Чақнаш вақтида мушугини эшик ортидан пойлаб турган қизалоқ юз қисмидан куйиш тан жароҳатини олган. Шундан сўнг, қизалоққа биринчи тез тиббий ёрдам кўрсатилган ва шифохонага олиб борилган. Билдирилишича, ҳозирда қизчанинг аҳволи яхши.

Эслатиб ўтамиз, аввалроқ Андижон вилоятидаги Пойтуғ бекатида бегона фуқаролардан бири темирйўл станцияси ҳудудига кириб, иккинчи йўлда бўш турган цистернага чиқиб олгани сабаб уни ток урганди.