Анчелоттининг “Реал”даги келажаги ҳалигача номаълум – манба

Мадриднинг “Реал” клуби бош мураббийи Карло Анчелотти ҳали ҳам мураббий билан алоқаларини узмаган Бразилия терма жамоасини бошқариши мумкин. Бу ҳақда Испаниянинг “Cadena Ser” нашри хабар берди.

Манбага кўра, Анчелоттининг Мадридда қанча муддат қолиши борасидаги қарор Ла Лиганинг 35-турида “Барселона” билан ўйин натижасига боғлиқ. Агар ушбу ўйиндан кейин мадридликлар қониқарсиз натижа қайд этса, клуб Испания чемпионлиги кубоги учун деярли барча имкониятларини йўқотади ва “қироллик клуби” Ла Лигадаги мавсум якунланганидан сўнг мураббийни дарҳол Бразилия терма жамоасига қўйиб юбориши мумкин бўлади.

Агар “Реал” каталонияликлар билан баҳсда ғалаба қозонса, кубок учун фаол курашни давом эттиради ва Бразилия терма жамоаси италиялик мутахассисни тайинлаш бўйича эрта қарорга умид қила олмайди.

Шунингдек, мавсумнинг якуний қисмида муваффақият қозонган тақдирда Анчелотти ҳеч бўлмаганда клублар ўртасидаги Жаҳон чемпионати якунига қадар жамоани тарк этмаслиги қайд этилган.

“Реал Мадрид” раҳбарияти клублар ўртасидаги Жаҳон чемпионати 2025/2026 йилги мавсумнинг бошланиши эканлигини таъкидламоқда, шунинг учун улар турнир бошланишига қадар вақтинча эмас, балки доимий мураббийга эга бўлишни хоҳламоқда.

Эслатиб ўтамиз, аввалроқ Анчелотти Саудия Арабистонидан мўмайгина таклиф олгани хабар қилинганди.