Анчелотти Бразилия МТЖ билан шартномасини узайтиради – ОАВ 

Бразилия футбол конфедерацияси ва миллий терма жамоа бош мураббийи Карло Анчелотти 2030 йилги Жаҳон чемпионатигача шартномани узайтириш бўйича оғзаки келишувга эришди. Бу ҳақда “Globo” хабар берди.

Манбага кўра, италиялик мутахассис таътилдан сўнг Рио-де-Жанейрога етиб бориб, февраль ойининг дастлабки ҳафталарида янги шартномани имзоланиши кутилмоқда. Музокаралар 2025 йил октябрь ойида бошланган ва йил охиригача давом этган, шундан сўнг Анчелотти Бразилия футбол конфедерацияси томонидан белгиланган шартларни тасдиқлаган.

Маълумотларга кўра, Анчелотти терма жамоа мураббийлари орасида дунёда энг юқори маошга эга бўлиб, йилига тахминан 10 миллион евро олади. Янги шартнома ҳам шунга ўхшаш шартлар асосида тузилади ва белгиланган мақсадларга эришиш учун бонуслар кўзда тутилган. 

Эслатиб ўтамиз, аввалроқ Карло Анчелотти “Реал Мадрид”га ўз хизматларини таклиф қилганлиги ҳақида хабар берилган эди.