Ўзбекистон терма жамоасининг мундиал учун таркиби эълон қилинди

Халқаро футбол федерацияси (FIFA) Қатарда бўлиб ўтадиган 17 ёшгача бўлган футболчилар ўртасидаги Жаҳон чемпионати иштирокчиларининг расмий таркибларини эълон қилди. Унга кўра, Сергей Чигодаев бошчилигидаги Ўзбекистон U-17 терма жамоаси рўйхатидан 21 нафар футболчи ўрин олган.

Қайд этиш жоиз, таркибга киритилган барча футболчилар 2009 йилда туғилган. Энг кўп 5 нафар вакил “Пахтакор” клубидан жалб қилинган. Одил Жуниор тарбияланувчиларидан 4 нафар, “Бунёдкор” ва Республика футбол академиясидан эса 3 нафардан футболчи рўйхатга киритилган.

Ўзбекистон U-17 терма жамоасининг Жаҳон чемпионати учун таркиби:

Дарвозабонлар: Олимжон Шомуродов (“Пахтакор”), Меҳрожбек Сирожиддинов (Республика футбол академияси), Абдулборий Зоиджонов (Республика футбол академияси).

Ҳимоячилар: Машҳурбек Абдисолиев (“Насаф”), Абубакир Раҳимов (Одил Жуниор), Муҳаммад Ҳакимов (“Бунёдкор”), Муҳаммадазиз Рўзибоев (“Ғазалкент”), Миржамол Анваров (Одил Жуниор), Нурмуҳаммад Ўктамов (“Пахтакор”), Адис Абдунабиев (“Хоразм”), Жаҳонгирмирзо Ўктамбоев (“Бунёдкор”).

Ярим ҳимоячилар: Муҳаммаджон Маматов (“Пахтакор”), Амирхон Эркинов (Одил Жуниор), Ислом Равшанов (“Пахтакор”), Миркомилбек Муродов (“Бунёдкор”), Муҳаммадодилхон Орифхонов (Одил Жуниор), Ҳабибуллоҳ Тоҳиров (“Пахтакор”), Аҳрорбек Равшанбеков (“Андижон”).

Ҳужумчилар: Асилбек Алиев (Республика футбол академияси), Суҳроб Содиржонов (“Ғазалкент”), Лазиз Абдураимов (“Бухоро”).

Бош мураббий: Сергей Чигодаев.

Маълумот учун, 17 ёшгача бўлган футболчилар ўртасидаги Жаҳон чемпионати жорий йилнинг 19 ноябридан 13 декабрига қадар Қатарда бўлиб ўтади. Ўзбекистон терма жамоаси мусобақанинг “E” гуруҳида Кот-д’Ивуар, Ямайка ва Италияга қарши баҳс олиб боради.