AQŞda texnik nosozliklar ortidan Oq uy kiberxavfsizlik direktori işdan böşatildi

Olam

−

image

AQŞda sönggi kunlarda aviaqatnovlar, bank xizmatlari va milliy xavfsizlik tizimlarida yuz bergan texnik uzilişlardan keyin Oq uyning milliy kiberxavfsizlik direktori Şon Kerns lavozimidan çetlatildi. Uning vazifasini vaqtinça Mudofaa vazirligining axborot texnologiyalari böyiça rahbari Kirsten Devis bajaradi. Bu haqda “Reuters“ xabar berdi. 

Oq uyga yaqin manbaning agentlikka ma’lum qilişiça, Kerns keça, 19 noyabr kuni lavozimidan çetlatilgan. U federal hukumat miqyosida kiberxavfsizlik siyosati va strategiyasini nazorat qilib kelgan.

Oq uyga yaqin manbaning aytişiça, AQŞ Prezidenti Donald Tramp Kernsni işdan böşatiş qarorini töliq qöllab-quvvatlagan. Kerns esa lavozimidan ketişi yuzasidan izoh bermagan.

Avvalroq, “Axios“ naşri ham uning Oq uydan ketayotgani haqida xabar bergan edi. Naşrning anonim rasmiylarga tayanib yozişiça, Oq uy apparati rahbari Stiven Miller Kernsni lavozimidan oliş tarafdori bölgan. Naşr manbalariga köra, Miller uning kiberxavfsizlik sohasida yetarli tajribaga ega emasligini sabab qilib körsatgan.

Eslatib ötamiz, sönggi bir hafta içida AQŞda texnologiyalar bilan boğliq bir neçta yirik uzilişlar kuzatildi. Jumladan, mamlakat böylab aviaqatnovlar vaqtinça töxtatildi, Microsoft tizimidagi nosozlik elektron poçta xizmatlariga ta’sir körsatdi. Şuningdek, joriy yilning 16 noyabr kuni mamlakatdagi yirik banklar faoliyatida uzilişlar kuzatilgan.

Uşbu hodisalar ortidan Tramp ma’muriyati texnik nosozliklarga munosabati uçun tanqidga uçradi. Joriy yilning 18 noyabr kuni AQŞ razvedka hamjamiyatining yuqori martabali vakili muhim tizimlardagi uzilişlar özaro boğliq emasligini bildirgan. Uning ta’kidlaşiça, bular texnik xizmat körsatiş va tizimlarga kiritilgan özgartirişlar bilan boğliq alohida nosozliklar bölib, muvofiqlaştirilgan yoki biror davlat tomonidan uyuştirilgan hujum alomatlari aniqlanmagan.

Ma’lumot uçun, Şon Kerns uşbu lavozimga tayinlanişidan oldin Respublikaçilar milliy qömitasida rahbar lavozimida işlagan. Uning doimiy vorisi Senat tomonidan tasdiqlanişi kerak. Biroq 2027 yil yanvaridan boşlab Senatda demokratlar nazorati kuçga kiradi.

Eslatib ötamiz, avvalroq AQŞ Davlat kotibi Marko Rubio mamlakatda sönggi kunlarda kuzatilgan yirik texnik nosozliklar ortida kiberhujumlar yoki boşqa davlatlarning aralaşuvi yöqligini ma’lum qilgan edi. Uning aytişiça, yuz bergan hodisalar bir-biriga boğliq emas va har birining alohida sababi bor.


Maqola muallifi

Baholaganlar

0

Reyting

3

Maqolaga baho bering

Doʻstlaringiz bilan ulashing