АҚШда олтин ҳожатхона аукционга қўйилади

north_east

Бир дона банан 6,2 млн долларга сотилди

Италиялик визуал рассом Маурицио Каттелан томонидан ишланган олтин ҳожатхона сотувга қўйилади. Бу ҳақда ABC News хабар берди.

Маълумотларга кўра, ҳохатхона 18 каратли 101,2 кг олтиндан ишланган бўлиб, “Америка” деб аталади. Жорий йилнинг 18 ноябрь куни бошланғич нархи 10 млн доллар билан Нью-Йоркдаги Sotheby’s аукционида кимошди савдосига қўйилади. 

Аукцион эксперти Девид Гальпериннинг айтишича, харидорлар ҳожатхонанинг нархини аукцион сайтида ҳам кузатиб бориши мумкин. Бироқ у одамлар “санъат асари”га ўтирмасликлари керак деб ҳисоблайди.

Ҳожатхонанинг биринчи версияси дастлаб 2016 йилда Нью-Йоркдаги музейлардан биридаги ҳожатхонага ўрнатилган. Аммо уч йил ўтгач, ўғрилар уни ўғирлаб кетган ва шу йилда ҳожатхонанинг янги версияси ишлаб чиқилган. 

“Америка” муаллифининг сўзларига кўра, ҳожатхона ҳаддан ташқари кўп ва чегарасиз бойликни англатади. Аукцион экспертларидан бири товар қийматининг кескин ошиб кетишини айтган.

Эслатиб ўтамиз, аввалроқ Американинг Somatis стартапи жамоат жойлари учун ҳожатхона тозаловчи робот яратган эди.

Бунёд Келдибоев