АҚШда олмахон сабабли уй ёниб, кулга айланди
Олам
−
08:42 2708 1 дақиқа
АҚШнинг Флорида штатида қизиққон олмахон туфайли тураржой биноси бутунлай ёниб кетди. Бу ҳақда WMBB хабар берди.
Маълум қилинишича, Дэвис-Банта оиласи ярим тун чоғида уйнинг том қисмида шовқин эшитган. Донни Банта аввалига ғалати товушни, сўнг эса куйган ҳидни сезган ва дарҳол рафиқаси Стейси Дэвис ҳамда икки фарзандини уйғотган.
Ота-она зарур буюмларни йиғиб, болаларни, шунингдек уй ҳайвонлари – ит ва мушукни ташқарига олиб чиққан. Ёнғин ўчирувчилар тез етиб келганига қарамасдан, бинони сақлаб қолишнинг иложи бўлмаган ва уй тўлиқ ёниб кетган.
Текширув натижасида маълум бўлишича, олмахон томга чиқиб, электр симларини кемирган. Оқибатда қисқа туташув юзага келиб, ёнғин бошланган. Оила аъзолари жароҳат олмаган, аммо деярли барча мол-мулкидан айрилган.
Эслатиб ўтамиз, аввалроқ битта маймун 22 млн киши истиқомат қиладиган бутун Шри-Ланкани электрсиз қолдирганди.
