АҚШда 104 ёшли аёл туғилган кунини қамоқхонага бориб нишонлади
Бу қизиқ
−
15 Февраль 10044 1 дақиқа
Қўшма Штатлардаги қариялар уйида яшовчи аёл ўзининг 104 ёшга тўлиши муносабати билан Нью-Йорк штатидаги маҳаллий қамоқхонага олиб кетилди. Бу ҳақда “Sky News” хабар берди.
Лоретта исмли аёл ўзининг 104 ёшини Ливингстон округи қамоқхонасига ташрифи билан нишонлаб, ўзининг туғилган кунини нишонлашнинг ноодатий усулини танлади. Ўзининг сўзларига кўра, бу ташриф унинг орзуларидан бири бўлган.
Полиция ходимлари қамоқхонага боришдан олдин уни қаҳва ва байрам торти билан табриклаган. Шериф билан суҳбат чоғида аёл узоқ умр кўриш сирлари билан ўртоқлашар экан, инсон асосийси ўзи севган иши билан шуғулланиши лозимлигини айтган.
“Лоретта қамоқхонамизни кезиб, ажойиб вақт ўтказди. Биз унинг истагини амалга ошира олганимиздан хурсандмиз”, дейди полиция ходимлари.
Эслатиб ўтамиз, аввалроқ сайёрадаги энг кекса эркак, британиялик Жон Альфред Тиннисвуд ўзининг 112 ёшини нишонлаганди. Тиннисвуд 1912 йилда, Титаник чўкиб кетган йили Ливерпулда туғилган. Унинг ҳаёти давомида Буюк Британия 24 Бош вазирни кўрган.
Live
Барчаси
