АҚШ ва Эрон сулҳни яна 60 кунга узайтирди – ОАВ

АҚШ ва Эрон оташкесим режимини яна 60 кунга узайтиришга келишиб олди. Бу ҳақда манбаларга таяниб, “Al-Arabia” хабар берди.

Маълумотларга кўра, иккала томон ҳам ўзаро англашув меморандумини узайтириш бўйича расмий розиликни халқаро воситачиларга топширган. Музокараларда асосий медиатор сифатида чиққан Покистон ҳукуматидаги манбалар дипломатлар сулҳнинг дастлабки ҳисоб-китобларга кўра 60 кунга мўлжалланган янги босқичи аниқ муддатини мустаҳкамлаш учун фаол ноталар алмашаётганини журналистларга маълум қилган.

Эслатиб ўтамиз, жанговар ҳаракатларни тўхтатиш бўйича дастлабки келишувни томонлар 2026 йилнинг апрель ойида Исломобод кўмагида тузган эди. Жорий йил 17 июнда эса якуний тинчлик шартномасига ўтиш учун Исломобод меморандуми имзоланди. Бироқ Ҳормуз бўғози орқали суверенитетни тиклаш ва эркин кемалар қатнови шартлари атрофидаги принципиал келишмовчиликлар сабабли музокаралар секинлашди.

2026 йилнинг июль ойида маҳаллий даражада бир-бирига зарба бериш ҳолатлари юз берганига қарамай, иккала давлат ҳам дипломатик алоқа каналини сақлаб қолишга ва Швейцариядаги бетараф майдонда тинчлик битимининг 14 бандини келишиб олишни давом эттиришга тайёр эканини билдирган.