АҚШ ва Эрон 6-бор музокара ўтказади

Жорий йилнинг 15 июнь куни Уммонда ядровий келишув бўйича АҚШ ва Эрон музокараларининг олтинчи раунди бўлиб ўтади. Бу ҳақда Эрон Ташқи ишлар вазирлиги матбуот котиби Исмоил Бағий маълум қилди. 

“Бўлиб ўтган маслаҳатлашувларни инобатга олган ҳолда, билвосита Эрон-Америка музокараларининг навбатдаги раунди келаси якшанба куни Маскатда ўтказилиши режалаштирилган”, деди Исмоил Багайи брифингда.

АҚШ Президенти Дональд Трамп эса аввалроқ учрашув 12 июнь куни бўлиб ўтишини айтган эди.

АҚШ ва Эрон Эрон ядро дастури бўйича беш марта музокара ўтказди. Дональд Трампнинг таъкидлашича, Вашингтон Теҳроннинг уранни бойитиш эҳтимолидан воз кечишни истамагани учун унинг позициясидан ҳали қаноатланмайди. Эрон олий раҳбари Али Хоманаий Вашингтон томонидан илгари сурилган шартлар мамлакат манфаатларига зид эканини айтди.

Маълумот учун, АҚШ ва Эроннинг Уммон воситачилигидаги Теҳрон ядровий дастури бўйича келишмовчиликларни бартараф этиш бўйича музокараларининг биринчиси 12 апрель куни Уммон пойтахти Маскатда, иккинчиси 19 апрель куни Римда, учинчи ва тўртинчиси 26 апрель ва 11 май куни яна Уммон пойтахтида ва бешинчиси  23 май куни яна Италия пойтахтида бўлиб ўтган. Маслаҳатлашувларда Эрон делегациясига Ташқи ишлар вазири Аббос Ароқчи, Америка делегациясига эса Президентнинг махсус вакили Стивен Уиткофф бошчилик қилди.