АҚШ терма жамоаси U-17 Жаҳон чемпионатига бормайдиган бўлди

АҚШ футбол федерацияси хавфсизлик нуқтаи назаридан ўз терма жамоасини Қатарда бўлиб ўтадиган U-17 Жаҳон чемпионатидан четлатди. Бу ҳақда федерация вакиллари ESPN нашрига маълум қилди.

48 та жамоа иштирок этиши режалаштирилган мусобақа жорий йилнинг 19 ноябрь куни бошланади. Америкалик футболчилар илк учрашувни 21 ноябрь куни Черногорияга қарши ўтказишлари керак эди.

Мамлакат футбол федерацияси мусобақада иштирок этиши керак бўлган футболчиларга юборган мактубида АҚШ Давлат департаменти фуқароларга “қуролли можаро хавфи туфайли Қатарга саёҳат қилиш режаларини қайта кўриб чиқиш” бўйича тавсия берганини маълум қилган. Шунингдек, мактубда ҳусийларнинг Саудия Арабистонидаги нишонларга ҳужумлари ҳам тилга олинган.

Маълумот учун, 2025 йилдан бошлаб U-17 Жаҳон чемпионатини ҳар йили ўтказиш белгиланган. Шунингдек, 2024 йилда FIFA Қатар 2029 йилгача ушбу мусобақага мезбонлик қилишини эълон қилган эди.

Эслатиб ўтамиз, аввалроқ Сергей Чигодаев бошчилигидаги Ўзбекистон U-17 терма жамоаси U-17 Жаҳон чемпионатини учун таркиби эълон қилинганди.