АҚШ Сурияга қарши санкцияларни бекор қилади – Трамп

north_east

Сурия АҚШга ресурслар бўйича битим таклиф қилмоқчи

АҚШ маъмурияти араб республикаси тинчлик ўрнатиш имкониятига эга бўлиши учун Сурияга қарши санкциялардан фойдаланишни тўхтатади. Бу ҳақда АҚШ Президенти Дональд Трамп кеча, 13 май куни Ар-Риёдда бўлиб ўтган Саудия-Америка инвестиция форумида маълум қилди.

“Давлат котиби Марко Рубио шу ҳафта охирида Туркияда Суриянинг янги ташқи ишлар вазири (Асад ал-Шибоний) билан учрашишини эълон қилишдан жуда мамнунман. Ва энг муҳими, Суриядаги вазиятни валиаҳд шаҳзодаси Муҳаммад бин Салмон Ол Сауд билан, шунингдек, кеча менга қўнғироқ қилган ва шунга ўхшаш нарсани сўраган Туркия Президенти [Ражаб Тойиб] Эрдўған билан муҳокама қилганимдан сўнг, Сурияга қарши санкцияларни тўхтатишга, уларга буюкликка эришиш имкониятини беришга буйруқ бераман”, деди давлат раҳбари.

Америка раҳбари санкцияларни олиб ташлаш учун қандай механизмдан фойдаланишига аниқлик киритмади.

“Санкциялар шафқатсиз ва ҳалокатли эди ва ўша пайтда муҳим, ҳақиқатан ҳам муҳим вазифани бажарган, аммо ҳозир [Суриянинг] порлаш вақти келди. Биз барча санкцияларни олиб ташлаймиз ва у ердаги одамлар, уларнинг руҳияти ва мен эшитган ҳамма нарсага қараб, менимча, улар муваффақиятга эришадилар. Шунинг учун мен шундай дейман: “Омад тилаймиз, Сурия. Бизга Саудия Арабистонидаги каби ўзгача бир нарсани кўрсат”, дея қўшимча қилди Президент.

Шунингдек, у Суриянинг янги ҳукумати мамлакатдаги вазиятни барқарорлаштириш ва тинчликни сақлаб қолишга умид билдирди.

Республикасига нисбатан чеклов чораларини бекор қилиш нияти ҳақидаги баёнотини олқишлади ва бу воқеани Сурия халқи учун бурилиш нуқтаси деб атади.

“Биз АҚШ Президенти Дональд Трампнинг Сурияга нисбатан жорий қилинган санкцияларни бекор қилиш ҳақидаги сўнгги баёнотларини олқишлаймиз. Бу воқеа Сурия халқи учун катта бурилиш нуқтаси бўлди, чунки мамлакат барқарорлик, ўзини-ўзи таъминлаш ва кўп йиллик ҳалокатли урушдан қутулиш йўлини белгилаб беради”, деди Суриянинг ўтиш даври ҳукуматидаги Ташқи ишлар вазирлиги раҳбари Асад ал-Шибоний Трампнинг баёнотини изоҳлаб .

БМТ Бош котибининг расмий вакили Стефан Дюжаррикнинг брифингда маълум қилишича, БМТ ҳам Трампнинг Сурияга нисбатан чеклов чораларини бекор қилиш нияти ҳақидаги баёнотини олқишлайди.

Дюжаррикнинг таъкидлашича, чекловларнинг бекор қилиниши мамлакат иқтисодиётининг тикланишига ижобий таъсир кўрсатади. 

“Биз учун Суриянинг санкциялардан халос бўлишини кўриш, мамлакатни қайта тиклаш, Сурия халқининг ўн йилдан ортиқ давом этган тўқнашувдан сўнг тикланиши муҳим”, дея қўшимча қилди у.