Абдуқодир Ҳусанов ПСЖга қарши ўйинда ассист қайд этди (видео)
Спорт
−
10:118510
Бугун, 23 декабрга ўтар кечаси Франция кубоги доирасида “Ланс” ўз уйида ПСЖни меҳмон қилди ва асосий вақтда 1:1 ҳисоби қайд этилиб, пенальтилар сериясида парижликлар 4:3 ҳисобида ғалаба қозонди ҳамда кейинги босқичга йўл олди.
Эътиборлиси, ушбу ўйинда ўзбекистонлик футболчи Абдуқодир Ҳусанов 66-дақиқада ассист амалга оширди. Аниқроғи, бурчакдан етказиб берилган тўпга Ҳусанов зарба йўллади, тўп йўл-йўлакай Нзолага тегиб, дарвозадан жой олди.
90+6-дақиқада Ҳусанов қоши ёрилгани сабаб захирага олинди. Гарчи “Ланс” турнир билан хайрлашган бўлса ҳам, учрашувда 20 ёшли Ҳусановнинг хатти-ҳаракатлари кўплаб хорижий ОАВ томонидан юқори баҳоланди.
Маълумот ўрнида, марказий ҳимоячи клуб билан 2023 йилда шартнома имзолаган. Футболчи жорий мавсумда “Ланс” таркибида барча мусобақаларда 23 та ўйинда майдонга тушди.
