71 ёшли украиналик Россия қамоқхонасида вафот этди
Олам
−
13 Февраль
492571 ёшли Украина фуқароси Виктор Демченко Россиядаги қамоқхонада вафот этди. Бу ҳақда "Мемориал" инсон ҳуқуқлари ташкилоти хабар берди.
Қайд этилишича, у жосуслик, терроризмга алоқадорлик ва ноқонуний қурол сақлашда айбланиб, катта эҳтимол билан Ростов вилоятидаги жазо колонниясида сақланаётган бўлган.
Ростов-Дон ҳарбий суди маҳаллий нашрга Демченконинг ўлимини тасдиқлаган ва унинг иши тугатилганини айтган.
ТАСС нашрининг ҳуқуқ-тартибот идораларидаги манбасига кўра, Демченко 31 декабрь куни инсульт оқибатида вафот этган.
"Мемориал"нинг билдиришича, Демченко иши ҳақида жамоатчиликка жуда кам нарса маълум. Демченко 1952 йилда Украинанинг айни пайтда Россия ишғоли остида бўлган Донецк вилояти Моспине шаҳрида туғилган. 2023 йилнинг августида Россия томони унга қарши жиноий иш очган.
LiveБарчаси