2020 йилнинг энг машҳур твити маълум қилинди

“Қора Пантера” фильмида асосий ролни ижро этган америкалик актёр Чадвик Боузманнинг Twitter саҳифасида унинг ўлими ҳақидаги пост 2020 йилда энг кўп репост қилинган. Бу ҳақда “Variety” ёзмоқда.

9 декабрь ҳолатига кўра, постда 2,1 миллион ретвит бор эди. Бундан ташқари, ижтимоий тармоқ фойдаланувчилари ушбу постни 924,6 минг марта такрор эълон қилишган, шунингдек, 165 минг изоҳ ва 7,5 миллион лайк қолдиришган.

Twitter’да иккинчи ўринни шу йилнинг январь ойида авиаҳалокатда вафот этган баскетболчи Коби Брайантнинг ўлими ҳақидаги хабар эгаллади.

Учинчи ўринни эса АҚШнинг собиқ президенти Барак Обаманинг ушбу спортчининг вафоти муносабати билан ёзган таъзияси банд қилган.

Эслатиб ўтамиз, жорий йилнинг август ойида "Қора Пантера"даги роли билан машҳур бўлган америкалик актёр Чедвик Боузман 43 ёшида саратон касаллигидан вафот этган эди.

Жорий йилнинг 26 январь куни соат 10:00 лар атрофида Калифорния жанубидаги Калабасас шаҳрида юз берган. 41 ёшли баскетболчига тегишли Sikorsky S-76 вертолёти ҳалокатга учраган, оқибатда Брайантнинг 13 ёшли қизи Жанна Мария, унинг дугонаси ва отаси жами 10 киши ҳалок бўлган эди.