Турин политехника университетига янги ректор тайинланди

Ўзбекистон

−

01 Июнь 2019 visibility8350 timer1 дақиқа

Ўзбекистон Республикаси Вазирлар Маҳкамаси қарори билан Уктам Рахимович Саломов Тошкент шаҳридаги Турин политехника университетининг ректори этиб тайинланди. Бу ҳақда Адлия вазирлигининг "Ҳуқуқий ахборот каналида маълум қилинди.

Уктам Саломов бунгача Андижон машинасозлик институтининг ректори лавозимида фаолият юритган.

Маълумот учун, Турин политехника университетининг аввалги ректори Конгратбай Авезимбетович Шарипов Ўзбекистон Республикаси Президентининг жорий йилнинг 27 майидаги қарори билан олий ва ўрта махсус таълим вазирига биринчи ўринбосар этиб тайинланган эди.

Конгратбай Шарипов 2017 йилдан бери Тошкентдаги Турин политехника университети ректори лавозимида фолият олиб бораётганди.

Мақола муаллифи