Ҳусийлар АҚШ ҳарбий кемасига зарба берганини эълон қилди

Олам

−

29 Январь visibility4590

АҚШ ҳусийларга қарши узоқ муддатли урушга тайёрланмоқда – WP

Ямандаги ҳусийлар Адан кўрфазида АҚШ ҳарбий-денгиз кучларининг USS Lewis B. Puller кемасига ракета ҳужуми уюштирди. Бу ҳақда ҳаракатнинг ҳарбий вакили Яҳё Сария маълум қилди.

“Яман ҳарбий-денгиз кучлари якшанба куни Американинг USS Lewis B. Puller кемаси Адан кўрфазида бўлганида кемага қарши ракета учирди”, дейди Сария “Al Masirah” телеканали эфирида.

Унинг сўзларига кўра, кема Ямандаги ҳусий нишонларига зарба беришда иштирок этаётган Америка кучларига логистик ёрдам беради.

Ҳаракат матбуот котиби USS Lewis B. Puller’га қилинган ҳужум "Яманни ҳимоя қилиш ва мазлум Фаластин халқини қўллаб-қувватлаш учун ҳарбий ҳаракатларнинг бир қисми" эканини айтди.

Эслатиб ўтамиз, олдинроқ Яман ҳусийлари Адан кўрфазида Британия нефть танкерига ҳужум уюштирган ва оқибатда кеманинг юк цистерналаридан бирида ёнғин чиққанди.

Мақола муаллифи