Ҳусановнинг собиқ жамоаси Франция Суперкубогини қўлга киритди

Кеча, 16 август куни Ўзбекистон миллий терма жамоаси Абдуқодир Ҳусановнинг собиқ жамоаси “Ланс” Франция Суперкубоги финалида “Пари Сен-Жермен”ни 1:0 ҳисобида мағлуб этиб, ўз тарихида илк бор ушбу совринни қўлга киритди.

Учрашув Ланс шаҳридаги “Стад Боллар-Делелис” стадионида бўлиб ўтди. Баҳсни Жереми Пиньяр бошқариб борди. Учрашувнинг 32-дақиқасида Флориан Товен томонидан киритилган гол учрашувдаги ягона гол бўлди ва Абдуқодир Ҳусановнинг собиқ жамоасига мамлакат Суперкубогини қўлга киритиш имконини берди.

“Ланс” 2026 йилга қадар Франция Суперкубогида фақат бир марта иштирок этган эди. 1998 йилда жамоа финалда “Пари Сен-Жермен”га 0:1 ҳисобида мағлуб бўлган.

Шу тариқа, “Ланс” ўз тарихидаги совринлар коллекциясини яна бир кубок билан бойитди. Клуб аввал бир мартадан Франция чемпионати ва Франция кубогида ғолиб чиққан. Шунингдек, “Ланс” икки марта Франция Лига кубогини қўлга киритган.

Халқаро майдонда эса “қизил-олтинлар” икки марта Интертото кубоги соҳиби бўлган. Энди клуб ўз тарихида биринчи марта Франция Суперкубогини ҳам қўлга киритди.

Маълумот учун, “Ланс” янги Лига 1 мавсумини жорий йилнинг 22 август куни ўз майдонида “Осер”га қарши учрашув билан бошлайди.