Ҳусанов Францияда тур рамзий жамоасига киритилди
Спорт
−
16 Декабрь 3926
Ўзбекистон миллий терма жамоаси ва Франциянинг “Ланс” клуби аъзоси Абдуқодир Ҳусанов Франция чемпионатининг 15-тур рамзий жамоасидан ўрин олди. Бу ҳақда “L'Equipe” хабар берди.
Нашр томонидан тузилган рейтингда 20 ёшли футболчининг хатти-ҳаракатлари 7 баллга лойиқ кўрилди. Рамзий жамоага энг кўп “Марсель” клубидан футболчи киритилган.
Ҳусанов ва унинг жамоаси 15-турда сафарда “Осер” клуби билан тўқнаш келиб, 2:2 ҳисобидаги дурангга имзо чекди. Гарчи “Ланс” ўз дарвозасидан 2 та гол ўтказиб юборган бўлса ҳам, ўзбекистонлик футболчи ўзининг ишончли хатти-ҳаракатлари билан ажралиб турди.
Эслатиб ўтамиз, аввалроқ Ҳусанов Ўзбекистоннинг энг яхши футболчиси бўлиш учун овоз йиғиш жараёнида Аббосбек Файзуллаевдан атиги 1 та овоз эвазига ортда қолгани хабар қилинганди.
Live
Барчаси
