Ҳумоюн Султанов Краньска Гора турнири чемпиони бўлди

Кеча, 31 май куни Ўзбекистонлик теннисчи Ҳумоюн Султанов Словениянинг Краньска Гора шаҳрида ўтказилган ITF М15 турнирида бош совринни қўлга киритди. Бу ҳақда Ўзбекистон теннис федерацияси матбуот хизмати хабар берди.

Мусобақанинг финал учрашувида Ҳумоюн Султанов испаниялик Тито Чавезни икки сет натижасига кўра, 6/0, 7/5 ҳисобида мағлуб этиб, мусобақа ғолибига айланди.

Маълумот учун, ҳозирги ATP рейтингида Ҳумоюн Султанов 806-ўринда бормоқда.

Ўзбекистонлик теннисчилар орасида эса, у ҳозирги пайтда 2-рақамли теннисчи ҳисобланади. Мамлакатнинг биринчи ракеткаси Сергей Фомин бўлиб, у ATP рейтингида 294-ўринни эгаллаб турибди. Султантов эса, ўзбекистонлик теннисчилар орасида иккинчи ўринда қайд этилган.

Эслатиб ўтамиз, аввалроқ Ўзбекистоннинг биринчи ракеткаси Сергей Фомин Қозоғистонинг Чимкент шаҳридаги “Челленжер” турниридаги чемпиони бўлганди.